येरवडा पोलिसांनी केला बेकायदेशीरपणे पिस्टल बाळगणाऱ्या आंतरराज्यीय/सशस्त्र टोळीचा पर्दाफाश; तीन आरोपी अटकेत
पुणे:
पुणे शहर पोलीस आयुक्तालय अंतर्गत येरवडा पोलीस स्टेशन हद्दीत गुन्ह्यास प्रतिबंध करणे तसेच अवैध शस्त्र बाळगणाऱ्यांवर कडक कारवाई करण्याचे आदेश वरिष्ठ अधिकाऱ्यांनी दिले होते. या आदेशानुसार येरवडा पोलीस स्टेशनचे वरिष्ठ पोलीस निरीक्षक श्री. उमेश गित्ते यांच्या मार्गदर्शनाखाली आणि पोलीस निरीक्षक (गुन्हे) श्री. केशव दिंडे यांच्या देखरेखीखाली येरवडा पोलीस स्टेशनच्या तपास पथकाने मोठी कारवाई करत बेकायदेशीरपणे देशी पिस्टल बाळगणाऱ्या तीन जणांच्या टोळीचा पर्दाफाश केला आहे.
कारवाईची सविस्तर पार्श्वभूमी व सापळा रचना
येरवडा पोलीस स्टेशन हद्दीत तपास पथकाचे प्रभारी अधिकारी तथा पोलीस उपनिरीक्षक किशोर बेरड व पोलीस अंमलदार यांना अवैध शस्त्र बाळगणाऱ्यांवर कारवाई करण्याबाबत वरिष्ठांच्या सूचना मिळाल्या होत्या. त्यानुसार दिनांक २८/०७/२०२६ रोजी तपास पथकातील पोलीस अंमलदार खाजगी वाहनाने येरवडा पोलीस स्टेशन हद्दीत पेट्रोलिंग करत होते. रात्री साडेअकरा वाजण्याच्या (२१/३० वा.) सुमारास पोलीस अंमलदार बालाजी सोगे यांना खात्रीशीर बातमीदारा मार्फत माहिती मिळाली की, तीन इसम चव्हाण चौकातून मुळीक फार्मकडे जाणाऱ्या रोडवर मोकळ्या जागेत थांबले असून, त्यांच्याकडे देशी बनावटीचे पिस्टल आहे आणि ते त्या ठिकाणी कोणाची तरी वाट पाहत आहेत.
सदर बातमीचे गांभीर्य लक्षात घेऊन पोलीस अंमलदार बालाजी सोगे यांनी ही माहिती तात्काळ वरिष्ठ पोलीस निरीक्षक श्री. उमेश गित्ते यांना दिली. वरिष्ठ श्री. गित्ते यांनी तातडीने कारवाई करण्याचे आदेश दिल्यानंतर, नमूद स्टाफसह मिळालेल्या बातमीच्या ठिकाणी जाऊन पोलिसांनी सापळा रचला. बातमीदाराने दिलेल्या वर्णनानुसार संशयित इसमांवर पाळत ठेवली असता, संशयित इसम हे त्यांच्याकडील दुचाकीसह पळून जाण्याच्या तयारीत असताना पोलिसांनी त्यांना शिताफीने ताब्यात घेतले.
ताब्यात घेण्यात आलेले आरोपी
संशयित इसमांना ताब्यात घेऊन त्यांची अंगझडती घेतली असता त्यांच्याकडे १ देशी बनावटीचे पिस्टल व १ जिवंत काडतूस (राऊंड) मिळून आले. त्यांची विचारपूस केली असता त्यांनी आपली नावे व पत्ते खालीलप्रमाणे सांगितली:
१. महेश अशोक कांबळे (वय २१ वर्षे, रा. प्रज्ञा अपार्टमेंट ०२, हिरागार्डन, भुगाव, पुणे)
२. गणेश तुळशीराम पवार (वय २२ वर्षे, रा. समर्थ रेसिडेंसी, लगड कॉलनी, नांदेड सिटी, पुणे)
३. यश चंद्रकांत उरणकर (वय २२ वर्षे, रा. पॉप्युलर टॉवर, संभाजी चौक, पाषाण, पुणे)
सदर आरोपींना येरवडा पोलीस स्टेशन येथे आणून सखोल चौकशी केली असता, संशयित आरोपी महेश अशोक कांबळे याने सदरचे पिस्टल विक्रीसाठी आणल्याची माहिती दिली.
जप्त करण्यात आलेला मुद्देमाल
या कारवाईमध्ये पोलिसांनी आरोपींकडून एकूण ९०,८००/- रुपये किमतीचा मुद्देमाल हस्तगत केला आहे:
०१ देशी बनावटीचे पिस्टल: किंमत ४०,०००/- रु.
०१ जिवंत राऊंड (काडतूस): किंमत ८००/- रु.
दुचाकी वाहन: किंमत ५०,०००/- रु.
दाखल गुन्हे व आरोपींची गुन्हेगारी पार्श्वभूमी
सदर प्रकरणी दिनांक २८/०७/२०२६ रोजी येरवडा पोलीस स्टेशन येथे गु.र.नं. ३०२/२०२६, आर्म अॅक्ट ३(२५), महाराष्ट्र पोलीस कायदा कलम ३७(१) सह १३५ अन्वये गुन्हा नोंदविण्यात आला असून तिन्ही आरोपींना अटक करण्यात आली आहे. गुन्ह्याचा पुढील तपास पोलीस उपनिरीक्षक किशोर बेरड करत आहेत.
चौकशी दरम्यान आरोपींच्या गुन्हेगारी पार्श्वभूमीची माहिती समोर आली आहे:
आरोपी महेश अशोक कांबळे: याच्याविरुद्ध यापूर्वी येरवडा पोलीस स्टेशन येथे गु.र.नं. १९४/२०२६, आर्म अॅक्ट कलम ३(२५) सह महाराष्ट्र पोलीस कायदा कलम ३७(१) सह १३५ अन्वये गुन्हा नोंद आहे.
आरोपी गणेश तुळशीराम पवार: याच्याविरुद्ध हवेली पोलीस स्टेशन (पुणे ग्रामीण) येथे गु.रजि.नं. २०५/२०२३, भारतीय दंड संहिता कलम ३०७, ३२६, ३२४, ३२३, १४३, १४७, १४८, १४९ सह आर्म अॅक्ट कलम ३(२५) अन्वये गुन्हा नोंद आहे; तसेच वारजे माळवाडी पोलीस स्टेशन येथे गु.र.नं. ४२४/२०२४, भारतीय न्याय संहिता (भा.न्या.सं.) कलम ४८३, १०८, १११, ३५१(३), १८९(१), १८९(२), १८९(४), १९०, १९१(३), ३(५), महाराष्ट्र पोलीस कायदा कलम ३७(१)(३) १३५ आणि संघटित गुन्हेगारी प्रतिबंधक कायद्यान्वये (मोक्का) कलम ३(१)(ii), ३(2), ३(४) अन्वये गंभीर गुन्हे नोंद आहेत.
पोलीस पथक व मार्गदर्शन
सदरची उत्कृष्ट कामगिरी खालील वरिष्ठ अधिकारी व पोलीस अंमलदारांच्या पथकाने पार पाडली आहे:
मार्गदर्शन:
श्री. मनोज पाटील (मा. अपर पोलीस आयुक्त, पूर्व प्रादेशिक विभाग, पुणे शहर)
श्री. चिलुमूला रजनिकांत (मा. पोलीस उपायुक्त, परिमंडळ ०४, पुणे शहर)
श्री. सुनिल जैतापुरकर (मा. सहायक पोलीस आयुक्त, येरवडा विभाग, पुणे शहर)
प्रत्यक्ष कारवाई व तपास पथक:
श्री. उमेश गित्ते (वरिष्ठ पोलीस निरीक्षक, येरवडा पोलीस स्टेशन)
श्री. केशव दिंडे (पोलीस निरीक्षक – गुन्हे)
पोलीस उपनिरीक्षक किशोर बेरड (तपास पथक प्रभारी अधिकारी)
पोलीस अंमलदार: मुकुंद कोकणे, शैलेश वाबळे, बालाजी सोगे, संदिप जायभाये, नटराज सुतार, गणेश पालवे, साईनाथ म्हस्के, अनिल मन्हाळकर, सोमनाथ गायकवाड.
माहितीसाठी व प्रसारासाठी जारी: जनसंपर्क अधिकारी कार्यालय, पुणे शहर पोलीस.
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
