अनधिकृत होर्डिंगविरुद्ध २७ प्रकरणांत गुन्हे दाखल — बांधकाम व्यावसायिकांकडून बेकायदेशीर डिजिटल फ्लेक्सचा सुळसुळाट; PMC अधिकाऱ्यांच्या मौनावर प्रश्नचिन्ह
पुणे : शहरातील अनधिकृत जाहिरातींवर पालिकेने गडगडाटी कारवाई सुरू केली असून, गेल्या काही दिवसांत ७१ प्रकरणांत पोलिसांना गुन्हे दाखल करण्यासाठी पत्र देण्यात आले आहे. यापैकी २७ प्रकरणांत पोलिसांनी गुन्हेही दाखल केले असल्याची माहिती अतिरिक्त आयुक्त पृथ्वीराज बी. पी. यांनी दिली. शहराचे विदूपीकरण करणारे अनधिकृत फलक, बॅनर व होर्डिंग लावणाऱ्यांविरोधात कठोर कारवाई होणार असल्याचा इशारा आयुक्तांनी नुकताच दिला होता.
पालिका प्रशासनाने शहरभर मोहीम हाती घेत पाच हजारांहून अधिक बेकायदा बोर्ड आणि बॅनर हटवले आहेत. मात्र या कारवाईत व्यावसायिक पातळीवरील फलकांकडे दुर्लक्ष करून केवळ व्यावसायिकांवरच कारवाई केली जात नसल्याचा आरोप केला जात आहे.
—
🏗 बिल्डर्सकडून बेकायदेशीर डिजिटल फ्लेक्सचा सुळसुळाट
पुणे शहरातील अनेक भागांत बांधकाम व्यावसायिक व बिल्डर्स नव्या प्रोजेक्ट्सच्या जाहिराती मोठ्या प्रमाणावर बेकायदेशीररीत्या लावत आहेत. लाखो रुपयांचे फ्लॅट विक्रीसाठी हे बिल्डर्स कोणतीही परवानगी न घेता सार्वजनिक रस्त्यांवर, चौकांत, उड्डाणपुलांवर डिजिटल फ्लेक्स लावतात.
यामुळे शहराचे सौंदर्य बिघडतेच, शिवाय पुणे महानगरपालिकेच्या महसूल विभागाला कोट्यवधी रुपयांचे नुकसान होते.
महापालिकेचे नियम स्पष्ट आहेत — कोणतीही जाहिरात लावण्यापूर्वी PMC ची परवानगी घेणे बंधनकारक आहे. परंतु, बिल्डर्स आणि जाहिरात माफियांच्या संगनमतामुळे अधिकारी हात आखडता घेत असल्याचा नागरिकांचा आरोप आहे. महसूल न भरता लावलेले फ्लेक्स PMC च्या तिजोरीला मोठा फटका देत आहेत.
—
📢 नागरिकांची मागणी
सर्व बेकायदेशीर फ्लेक्स तात्काळ हटवावेत.
महसूल बुडवणाऱ्या बांधकाम व्यावसायिकांवर दंडात्मक कारवाई करावी.
संबंधित PMC अधिकाऱ्यांची चौकशी करून जबाबदारांवर कठोर कारवाई व्हावी.
शहरभर व्यापक जाहिरातबंदी मोहिम राबवावी.
—
⚠ भ्रष्टाचार उघडकीस आणण्याचा इशारा
“जर अशी परिस्थिती कायम राहिली, तर PMC आणि बिल्डर्स यांच्यातील संगनमतातून सुरू असलेला भ्रष्टाचार उघडकीस आणण्यासाठी नागरिकांकडून आंदोलन छेडले जाईल,” असा इशारा स्थानिक नागरिकांनी दिला आहे.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
