पुणे : पुणे शहर पोलीस यांच्या बाणेर पोलीस ठाण्याच्या हद्दीत जबरी चोरी करणाऱ्या चार आरोपींना अटक करण्यात पोलिसांना यश आले आहे. या कारवाईमुळे परिसरात भीतीचे वातावरण निर्माण करणाऱ्या टोळीचा पर्दाफाश झाला आहे.
दि. १२ एप्रिल २०२६ रोजी फिर्यादी हे त्यांच्या ऑफिसमधील एका इसमासोबत पायी जात असताना सुतारवाडी येथील साई रेसिडेन्सी समोर चार अनोळखी इसमांनी दोन काळ्या रंगाच्या स्कुटरवर येत त्यांना अडवले. “तुम्ही आमचे बँकेचे कार्ड घेतले आहे, तुमची झडती घ्यायची आहे” असे सांगत आरोपींनी फिर्यादीला धमकावले. त्यानंतर जबरदस्तीने अंगझडती घेत मारहाणीची धमकी देत त्यांच्या खिशातील रोख ४०,००० रुपये लुटले.
या घटनेनंतर बाणेर पोलीस स्टेशन येथे गुन्हा रजिस्टर नंबर १११/२०२६ अंतर्गत भा.न्या.सं कलम ३०९(४), ३(५) प्रमाणे गुन्हा दाखल करण्यात आला होता.
तपासाची दिशा आणि आरोपींचा शोध
सदर गुन्ह्याचा तपास करताना बाणेर पोलीस स्टेशनच्या तपास पथकाने घटनास्थळ परिसरातील सीसीटीव्ही फुटेज तपासले. याशिवाय एकूण ७२ सीसीटीव्ही कॅमेऱ्यांचे फुटेज बारकाईने पाहून आरोपींचा माग काढण्यात आला. या तांत्रिक तपासाच्या आधारे पोलिसांनी आरोपींचा शोध घेत त्यांना अटक केली.
अटक आरोपींची नावे
पोलिसांनी खालील चार आरोपींना अटक केली आहे:
दिनेश बाळु मंडपे (वय ३३ वर्षे, रा. साई अपार्टमेंट मागे, आदेशनगर, पिंपरी, पुणे)
रोहन रमेश सूर्यवंशी (वय ३१ वर्षे, रा. छोटी मस्जिद जवळ, मिलिंदनगर, पिंपरी, पुणे)
लक्ष्मण कृष्णा वाल्हेकर (वय ४६ वर्षे, रा. एम बिल्डिंग, आदर्शनगर, पिंपरी, पुणे)
संतोष राम कंपा (वय ३१ वर्षे, रा. छत्रपती हौसिंग सोसायटी, मिलिंदनगर, पिंपरी, पुणे)
या आरोपींना मिलिंदनगर, पिंपरी येथून अटक करण्यात आली. चौकशीदरम्यान आरोपींनी गुन्ह्याची कबुली दिली आहे.
जप्ती व पुढील तपास
अटक आरोपींकडून गुन्ह्यात वापरलेल्या दोन स्कुटर जप्त करण्यात आल्या आहेत. पोलिसांकडून या गुन्ह्याचा पुढील तपास सुरू आहे.
पोलिसांचे मार्गदर्शन व पथकाची कामगिरी
ही कारवाई मा. अपर पोलीस आयुक्त (पश्चिम प्रादेशिक विभाग) श्री. मनोज पाटील, मा. पोलीस उप आयुक्त परिमंडळ ४ श्री. चुलूमुला रजनीकांत, तसेच मा. सहायक पोलीस आयुक्त खडकी विभाग श्री. विठ्ठल दबडे यांच्या मार्गदर्शनाखाली पार पडली.
तसेच बाणेर पोलीस ठाण्याचे वरिष्ठ पोलीस निरीक्षक श्री. चंद्रशेखर सावंत आणि पोलीस निरीक्षक (गुन्हे) श्रीमती अलका सरग यांच्या सूचनांनुसार सहायक पोलीस निरीक्षक के.बी. डाबेराव, गणेश रायकर तसेच पोलीस अंमलदार बाबा आहेर, किसन शिंगे, गणेश गायकवाड, अतुल इंगळे, गजानन अवातिरक, प्रदीप खरात, शरद राऊत, मराठे, भोईने, पवार यांनी ही उल्लेखनीय कामगिरी बजावली.
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
