पुणे:
धायरी येथील एका केमिकल कंपनीच्या गोडाऊनमधून लाखो रुपयांचे ऑर्थो फॉस्फरिक ॲसिडचे कॅन चोरणाऱ्या एका सराईत टोळीला पुणे शहर पोलिसांच्या नांदेड सिटी पोलीस स्टेशनच्या तपास पथकाने अत्यंत धडक कारवाई करत अवघ्या ३ तासांच्या आत गजाआड केले आहे. या कारवाईत पोलिसांनी तीन आरोपींना अटक केली असून, त्यांच्याकडून चोरीला गेलेले ॲसिडचे कॅन आणि गुन्ह्यात वापरलेली पिकअप गाडी असा एकूण २० लाख ४० हजार रुपयांचा मुद्देमाल जप्त केला आहे.
याबाबत सविस्तर वृत्त असे की, पुणे येथील स.नं. १०८/८ धायरी भागातील कॅनलच्या शेजारी ‘रिलायबल केमिकल्स’ चे गोडाऊन आहे. या गोडाऊनमधून २५ लिटर वजनाचे, पांढऱ्या रंगाचे ‘रॅनकेम’ (RANKEM) कंपनीचे ‘ऑर्थो फॉस्फरिक ॲसिड’चे (Orthophosphoric acid) कॅन चोरीला गेले होते. या प्रकरणी तक्रारदाराने नांदेड सिटी पोलीस स्टेशन येथे तक्रार दिली होती. तक्रारीच्या अनुषंगाने पोलिसांनी तात्काळ पावले उचलत नांदेड सिटी पोलीस ठाण्यात गु.र.नं. १६९/२०२६, भारतीय न्याय संहिता (BNS) कलम ३०५ (अ) अन्वये गुन्हा दाखल केला.
वरिष्ठांचे आदेश आणि तपासाला गती
गुन्ह्याचे गांभीर्य ओळखून नांदेड सिटी पोलीस स्टेशनचे वरिष्ठ पोलीस निरीक्षक श्री. अतुल भोस यांनी सदर गुन्ह्यातील चोरीला गेलेला माल आणि आरोपींचा तात्काळ शोध घेऊन त्यांना ताब्यात घेण्याच्या कडक सूचना दिल्या होत्या. त्यानुसार तपास पथकातील पोलीस अंमलदार संग्राम शिनगारे, शिवाजी क्षीरसागर आणि मोहन मिसाळ यांची टीम तपासासाठी रवाना झाली.
गोपनीय बातमीदार ठरला उपयुक्त; ३ तासांत आरोपी गजाआड
तपास पथक शोध घेत असताना पोलीस अंमलदारांना त्यांच्या गोपनीय बातमीदाराकडून एक महत्त्वपूर्ण माहिती मिळाली. या माहितीच्या आधारे पथकाने धायरी येथील मॅपल सोसायटी धायरेश्वर मंदिराजवळ दबा धरून संशयित इसम वैभव चव्हाण याला ताब्यात घेतले. रिलायबल केमिकलच्या गोडाऊनमधील चोरीबाबत त्याची कसून चौकशी केली असता, त्याने आपल्या इतर दोन साथीदारांच्या मदतीने ही चोरी केल्याची कबुली दिली.
या गुन्ह्यात पोलिसांनी एकूण तीन आरोपींना अटक केली आहे, ज्यांची नावे खालीलप्रमाणे आहेत:
१) वैभव बाळासाहेब चव्हाण (वय २६ वर्षे, रा. मॅप्पल रेसिडेन्सी, धायरेश्वर मंदिराचे जवळ, धायरी, पुणे).
२) रोहन संतोष इंदुलकर (वय २९ वर्षे, रा. मॅप्पल रेसिडेन्सी, धायरेश्वर मंदिराचे जवळ, धायरी, पुणे).
३) निखील तानाजी पवार (वय २३ वर्षे, रा. आकाश होम्स, शिक्षा व्हेरीटाईज शाळेजवळ, पोकळे वस्ती, धायरी, पुणे).
२० लाख ४० हजारांचा मुद्देमाल जप्त
अटक करण्यात आलेल्या आरोपींच्या ताब्यातून पोलिसांनी गुन्ह्यातील चोरीला गेलेले १५,४०,०००/- रुपये किमतीचे ‘रॅनकेम’ कंपनीचे ऑर्थो फॉस्फरिक ॲसिडचे एकूण १५४ कॅन जप्त केले. तसेच, या रासायनिक मालाची वाहतूक करण्यासाठी गुन्ह्यात वापरलेली एक चारचाकी पिकअप गाडी (किंमत ५,००,०००/- रुपये) असा एकूण २०,४०,०००/- (वीस लाख चाळीस हजार) रुपये किमतीचा मुद्देमाल पोलिसांनी हस्तगत केला आहे.
या पोलीस अधिकाऱ्यांच्या व अंमलदारांच्या मार्गदर्शनाखाली झाली कारवाई
ही धडक व कौतुकास्पद कामगिरी मा. अपर पोलीस आयुक्त, पश्चिम प्रादेशिक विभाग, पुणे शहर, श्री. राजेश बनसोडे, मा. पोलीस उप आयुक्त, परिमंडळ – ३, पुणे, श्री. सागर कवडे, आणि मा. सहाय्यक पोलीस आयुक्त, सिंहगड रोड विभाग, पुणे, श्री. विजय कुंभार यांच्या मोलाच्या मार्गदर्शनाखाली करण्यात आली.
तसेच, नांदेड सिटी पोलीस स्टेशनचे वरिष्ठ पोलीस निरीक्षक श्री. अतुल भोस आणि पोलीस निरीक्षक (गुन्हे) श्री. प्रसाद राऊत यांच्या प्रत्यक्ष सूचनांनुसार, पोलीस उपनिरीक्षक दत्तात्रय सावंत, पोलीस अंमलदार संग्राम शिनगारे, शिवाजी क्षीरसागर, मोहन मिसाळ, निलेश कुलथे, अक्षय जाधव, सतिश खोत, स्वप्निल मगर, निलेश खांबे, राजु वेगरे, प्रतिक मोरे आणि भिमराज गांगुर्डे यांच्या धडाडीच्या पथकाने ही यशस्वी कामगिरी बजावली आहे. अवघ्या ३ तासांत संपूर्ण टोळी जेरबंद केल्यामुळे पोलीस प्रशासनाकडून या पथकाचे विशेष कौतुक होत आहे.
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
