PMPML ची ‘वर्षा सहल’ विशेष पर्यटन बस सेवा सुरू; महापौर मंजुषाताई नागपुरे यांच्या हस्ते उद्घाटन
पुणे, दि. ४ ऑगस्ट : पावसाळ्यातील निसर्गरम्य पर्यटनाला चालना देण्यासाठी पुणे महानगर परिवहन महामंडळ (PMPML) तर्फे सुरू करण्यात आलेल्या मार्ग क्र. ९ (अ) ‘वर्षा सहल’ विशेष पर्यटन बस सेवेचे उद्घाटन मंगळवारी स्वारगेट बसस्थानक येथे पुणे महानगरपालिकेच्या महापौर मंजुषाताई नागपुरे यांच्या हस्ते उत्साहपूर्ण वातावरणात पार पडले. यावेळी PMPML चे संचालक अजय खेडेकर प्रमुख उपस्थित होते.
या विशेष पर्यटन बस सेवेच्या माध्यमातून पर्यटकांना पावसाळ्यातील निसर्गसौंदर्याचा सुरक्षित, आरामदायी आणि किफायतशीर अनुभव घेता यावा, यासाठी मुळशी धरण, पळसे धबधबा आणि नयनरम्य सेल्फी पॉईंट अशा आकर्षक पर्यटनस्थळांचा समावेश करण्यात आला आहे. या उपक्रमामुळे पुणेकरांना एका दिवसात पावसाळी पर्यटनाचा आनंद घेण्याची संधी उपलब्ध झाली आहे.
उद्घाटनप्रसंगी महापौर मंजुषाताई नागपुरे म्हणाल्या, “PMPML चा हा उपक्रम पुणेकरांसाठी तसेच पर्यटकांसाठी अत्यंत उपयुक्त असून, पावसाळी पर्यटनाला निश्चितच चालना मिळेल. सुरक्षित, नियोजनबद्ध आणि परवडणाऱ्या दरात पर्यटनाची संधी उपलब्ध करून देण्याचा हा स्तुत्य उपक्रम आहे.” तसेच, पुणे महानगरपालिकेच्या सर्व महिला नगरसेविकांसाठीही या विशेष पर्यटन बस सेवेअंतर्गत स्वतंत्र सहलीचे आयोजन करण्यात यावे, अशी सूचनाही त्यांनी केली.
PMPML चे संचालक अजय खेडेकर यांनी पर्यटन बस सेवेचे महत्त्व अधोरेखित करत नागरिकांनी मोठ्या संख्येने या उपक्रमाचा लाभ घ्यावा, असे आवाहन केले. त्यांनी भविष्यात पर्यटनाला प्रोत्साहन देण्यासाठी अशा आणखी विशेष बस सेवा सुरू करण्याचा मानसही व्यक्त केला.
या कार्यक्रमास वाहतूक व्यवस्थापक यशवंत हिंगे, जनसंपर्क अधिकारी नागेश गायकवाड तसेच PMPML चे अधिकारी व कर्मचारी मोठ्या संख्येने उपस्थित होते.
पावसाळ्यातील हिरवाई, धबधबे आणि निसर्गरम्य वातावरणाचा सुरक्षित व संस्मरणीय अनुभव घेण्यासाठी पुणेकरांनी PMPML च्या ‘वर्षा सहल’ विशेष पर्यटन बस सेवेचा लाभ घ्यावा, असे आवाहन महामंडळाच्या वतीने करण्यात आले आहे.
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
