पंढरपूर ते आळंदी मार्ग:
संत ज्ञानेश्वर महाराज पालखी सोहळ्याच्या परतीच्या प्रवासातही वारकऱ्यांची तहान भागवण्यासाठी वृक्षमित्र अरुण पवार यांनी आपले मोफत पिण्याच्या पाण्याचे टँकर पालखी सोहळ्यासोबतच ठेवले आहेत. पंढरपूर ते आळंदी या संपूर्ण पालखी मार्गावर त्यांच्यावतीने वारकऱ्यांसाठी पाण्याची सोय उपलब्ध करून देण्यात आली आहे.
दरवर्षी आषाढी एकादशीनिमित्त निघणाऱ्या या ऐतिहासिक पालखी सोहळ्यात ऊन, वारा आणि पावसाची कोणतीही तमा न बाळगता लाखो वारकरी भक्तिभावाने पायी चालत पंढरपूरला पोहोचतात. या खडतर प्रवासात अनेकदा पिण्याच्या पाण्याची मोठी गैरसोय होते. वारकऱ्यांना प्रवासात पाण्यासाठी कोणतीही अडचण येऊ नये, ही गरज ओळखून अरुण पवार गेल्या बारा वर्षांपासून सातत्याने पालखी सोहळ्यासोबत मोफत पिण्याच्या शुद्ध पाण्याचे टँकर पाठवत आहेत.
परतीच्या वाटेवरही दिलासा:
यंदाच्या आषाढी वारीच्या सोहळ्यात अरुण पवार यांनी तब्बल सात पाण्याचे टँकर वारकऱ्यांच्या सेवेसाठी पाठवले आहेत. विशेष म्हणजे, केवळ जाण्याच्या प्रवासातच नव्हे, तर पालखीच्या परतीच्या प्रवासातही हे सर्व टँकर पालखी सोहळ्यासोबतच आहेत. यामुळे परतीच्या वाटेवरही वारकऱ्यांना पिण्याच्या पाण्यासाठी वणवण भटकावे लागत नाही. अरुण पवार यांच्या या सामाजिक आणि सेवाभावी उपक्रमाचे वारकरी संप्रदायासह सर्वच स्तरातून मोठे कौतुक होत आहे.
”वारकऱ्यांची सेवा हीच पांडुरंगाची सेवा”:
या उपक्रमाबाबत मनोगत व्यक्त करताना अरुण पवार म्हणाले, “वारकऱ्यांची सेवा करणे हीच खरी पांडुरंगाची सेवा आहे. संत ज्ञानेश्वर माऊली व संत तुकाराम महाराजांच्या पालखी सोहळ्यात या माध्यमातून खारीचा वाटा उचलता आला, याचे मनस्वी समाधान आहे. पाण्यासारख्या मूलभूत गरजेसाठी कोणत्याही वारकऱ्याचे हाल होऊ नयेत, हाच यामागील आमचा मुख्य उद्देश आहे.”
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
