वांबोरी स्टेशन शाळेत कुसुमाग्रज वाचनालयाचे उद्घाटन-
क्राईम महाराष्ट्र लाईव्ह न्युज सहसंपादक शिवाजी दवणे 9730170965
कुसुमाग्रज वाचन अभियानांतर्गत जिल्हा परिषद शाळा वांबोरी स्टेशन येथे कुसुमाग्रज वाचनालयाचे उद्घाटन अहिल्यानगर जिल्हा परिषदेचे शिक्षणाधिकारी भास्कर पाटील व वांबोरी बीटच्या विस्तार अधिकारी जयश्री कार्ले यांच्या हस्ते करण्यात आले
विद्यार्थ्यांमध्ये व शिक्षकांमध्ये वाचनाची गोडी लागावी , विद्यार्थी संस्कारक्षम व्हावेत यासाठी जिल्हा परिषद अहिल्याअंतर्गत कुसुमाग्रज वाचन अभियान १४ फेब्रुवारी २०२६ पासून सुरू झालेले आहे . वांबोरी स्टेशन शाळेतील ग्रंथालयात विद्यार्थी व शिक्षकांसाठी आठशे पुस्तके असून शाळा व्यवस्थापन समिती मार्फत अजून शंभर पुस्तके विद्यार्थ्यांना भेट देण्यात आले . याप्रसंगी गावातून ग्रंथदिंडी काढण्यात आली .शाळेच्या लेझीम पथकाने केलेल्या संचलनाने सर्वांचे लक्ष वेधून घेतले .
वांबोरी स्टेशन माजी विद्यार्थी संघ उपाध्यक्ष तसेच सिद्धी ॲक्वा आर ओ वॉटर प्युरिफायरचे सर्वेसर्वा नवनाथ खळेकर यांनी दिलेल्या ५१००० रुपये किंमतीच्या आरो सिस्टीम -शुद्ध पिण्याचे पाणी यंत्राचे उद्घाटन शिक्षणाधिकारी भास्कर पाटील यांच्या हस्ते करण्यात आले.
शाळेतील आरोग्यदायी परसबाग, गांडूळ खत प्रकल्प , जिल्हास्तरीय क्रीडा स्पर्धेतील विद्यार्थ्यांची प्रगती , राहुरी तालुका गणित विज्ञान प्रदर्शनातील विद्यार्थ्यांची प्रगती पाहून समाधान व्यक्त केले
कार्यक्रम यशस्वीतेसाठी शाळेच्या मुख्याध्यापिका उषा पवार ,चारुशीला रायकर ,कानिफनाथ बनकर व राहुल लोंढे यांनी परिश्रम घेतले.
याप्रसंगी खडांबे गावचे उपसरपंच मोहन खळेकर, भानुदास कल्हापुरे, अर्जुनराव खळेकर ,राहुल कल्हापुरे , नवनाथ खळेकर ,प्रसाद शेळके ,राजेंद्र कल्हापुरे, गोरक्षनाथ कल्हापूरे , काकासाहेब खळेकर , दिलीप दुधाडे व ग्रामस्थ मोठ्या संख्येने उपस्थित होते
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
