पुणे (वानवडी) : दि. 21 एप्रिल 2026 रोजी वानवडी बाजार, पुणे-40 येथील महादजी शिंदे हायस्कूलमध्ये प्राचार्य सौ. शाहेदा कश्मीरी मॅडम यांचा सप्रेम निरोप समारंभ उत्साहात आणि भावनिक वातावरणात संपन्न झाला.
या कार्यक्रमाला प्रमुख पाहुणे म्हणून माजी नगरसेवक श्री विनोद मोतीलाल मथुरावाला तसेच माजी नगरसेविका सौ. अंजलीताई विनोद मथुरावाला उपस्थित होते. तसेच पंजेतन पवित्र संघटनेचे महाराष्ट्र राज्य अध्यक्ष श्री हनिफभाई शेख यांनीही विशेष उपस्थिती दर्शवली.
कार्यक्रमात शाळेतील माजी वर्ग शिक्षक व शिक्षिका, तसेच माजी विद्यार्थी मोठ्या संख्येने उपस्थित होते. अनेक मान्यवर पाहुण्यांनी उपस्थित राहून प्राचार्य सौ. शाहेदा कश्मीरी मॅडम यांच्या कार्याचा गौरव केला व त्यांना पुढील आयुष्यासाठी हार्दिक शुभेच्छा दिल्या.
या प्रसंगी उपस्थित सर्व मान्यवरांनी आपल्या भावना व्यक्त करताना मॅडम यांच्या शैक्षणिक क्षेत्रातील योगदानाचे कौतुक केले. त्यांच्या नेतृत्वाखाली शाळेची झालेली प्रगती आणि विद्यार्थ्यांमध्ये घडवलेले संस्कार यांचा विशेष उल्लेख करण्यात आला.
कार्यक्रमानंतर सर्व उपस्थितांसाठी जेवणाचीही व्यवस्था करण्यात आली होती. मोठ्या संख्येने उपस्थिती असल्याने संपूर्ण परिसरात उत्साहाचे वातावरण पाहायला मिळाले.
हा निरोप समारंभ अत्यंत संस्मरणीय ठरला असून उपस्थित सर्वांनी प्राचार्य सौ. शाहेदा कश्मीरी मॅडम यांना भावपूर्ण निरोप दिला.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
