पुणे: सिंहगड रोड पोलीस ठाण्याच्या तपास पथकाने परिसरात गुन्हे प्रतिबंधात्मक गस्त घालत असताना एका मोठ्या गुन्ह्याचा कट उधळून लावला आहे. पोलिसांच्या रेकॉर्डवरील एका १८ वर्षीय सराईत गुन्हेगाराला शस्त्रासह रंगेहात पकडण्यात आले असून, त्याच्याकडून एक गावठी पिस्तूल आणि दोन जिवंत काडतुसे जप्त करण्यात आली आहेत.
खास बातमीदारामार्फत मिळाली पक्की माहिती
दिनांक २४ मे २०२६ रोजी सिंहगड रोड पोलीस स्टेशनच्या तपास पथकाचे प्रभारी अधिकारी पोलीस उपनिरीक्षक संतोष भांडवलकर व त्यांचे कर्मचारी हद्दीमध्ये वरिष्ठांच्या आदेशानुसार पेट्रोलिंग करत होते. या गस्तीदरम्यान पोलीस अंमलदार संदीप कांबळे आणि समीर माळवदकर यांना त्यांच्या एका खास बातमीदारामार्फत अत्यंत महत्त्वाची व खात्रीशीर माहिती मिळाली.
बातमीदाराने सांगितले की, सिंहगड रोड पोलीस ठाण्याच्या रेकॉर्डवरील आरोपी साया पुजारी हा विश्रांतीनगरकडून हिंगणे लंडन ब्रिजकडे जाणाऱ्या जॉगिंग ट्रॅकवरील कमानीजवळ (राजीव गांधी वसाहत, हिंगणे, पुणे) थांबला आहे. त्याने अंगात फिकट जांभळ्या रंगाचा फुलबाहीचा शर्ट आणि काळ्या रंगाची जीन्स पॅन्ट घातलेली असून त्याच्याकडे एक गावठी पिस्तूल आहे.
पोलिसांचा सापळा आणि अटक
अंमलदारांनी या खात्रीशीर बातमीची माहिती तात्काळ पोलीस उपनिरीक्षक संतोष भांडवलकर यांना दिली. वरिष्ठांकडून तातडीने योग्य ती कारवाई करण्याचे तोंडी आदेश मिळताच तपास पथक मिळालेल्या माहितीच्या ठिकाणी रवाना झाले. पोलिसांनी घटनास्थळी जाऊन पाहणी केली असता बातमीतील वर्णनाचा तरुण तिथे संशयास्पद रित्या उभा असलेला दिसला. पथकाने त्याला वेढा घालून जागीच ताब्यात घेतले.
त्याची चौकशी केली असता त्याने आपले नाव साया उर्फ साई सुधाकर पुजारी (वय १८ वर्षे, रा. सर्वे नं. ८०१, भंडारी हॉटेलच्या मागे, गल्ली नं. १, दत्तवाडी, सिंहगड रोड, पुणे) असे असल्याचे सांगितले. सदर ठिकाणी थांबण्याचे कारण विचारले असता तो पोलिसांना उडवाउडवीची आणि असमाधानकारक उत्तरे देऊ लागला. तो तिथे एखादा दखलपात्र गुन्हा करण्याच्या उद्देशानेच थांबल्याची खात्री पटल्यानंतर पंचांसमक्ष त्याची अंगझडती घेण्यात आली.
मुद्देमाल जप्त व गुन्हा दाखल
अंगझडती दरम्यान आरोपीकडे खालील मुद्देमाल जप्त करण्यात आला:
किंमत ४०,०००/- रुपयांचे एक गावठी पिस्तूल
किंमत २,०००/- रुपयांचे दोन जिवंत काडतुसे
आरोपी साया उर्फ साई पुजारी याच्याविरुद्ध सिंहगड रोड पोलीस स्टेशन येथे गु.र.नं. २०८/२०२६, आर्म ऍक्ट कलम 3(24) सह महाराष्ट्र पोलीस अधिनियम कलम ३७(१), १३५ अन्वये गुन्हा नोंदवून त्याला रीतसर अटक करण्यात आली आहे.
या पथकाने केली कामगिरी
सदर यशस्वी कामगिरी पुणे पोलीस दलातील वरिष्ठ अधिकाऱ्यांच्या थेट मार्गदर्शनाखाली पार पडली. यामध्ये प्रामुख्याने:
श्री. राजेश बनसोडे (मा. अप्पर पोलीस आयुक्त, पश्चिम प्रादेशिक विभाग, पुणे शहर)
श्री. सागर कवडे (मा. पोलीस उप-आयुक्त, परिमंडळ – ३, पुणे शहर)
श्री. अजय परमार (मा. सहाय्यक पोलीस आयुक्त, सिंहगडरोड विभाग, पुणे शहर)
श्री. विनय पाटणकर (वरिष्ठ पोलीस निरीक्षक, सिंहगड रोड पोलीस स्टेशन)
श्री. समीर गायकवाड (पोलीस निरीक्षक – गुन्हे)
यांच्या मार्गदर्शनाखाली पोलीस उपनिरीक्षक संतोष भांडवलकर तसेच पोलीस अंमलदार उत्तम तारू, अण्णा केकाण, सतीश मोरे, विकास बांदल, सागर शेडगे, तानाजी सागर, विनायक मोहिते, संदीप कांबळे, समीर माळवदकर आणि राहुल ओलेकर यांच्या तपास पथकाने ही धडक कारवाई केली आहे.
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
