स्वर्गीय उदय दादा कांबळे यांच्या प्रथम पुण्यस्मरण दिनानिमित्त विविध सामाजिक उपक्रमांचे आयोजन
स्वर्गीय उदय दादा कांबळे यांच्या प्रथम पुण्यस्मरण दिनानिमित्त परिसरात विविध सामाजिक व क्रीडा उपक्रमांचे आयोजन करण्यात आले. या उपक्रमांमध्ये वृक्षारोपण, रक्तदान शिबिर, अनाथ आश्रमातील मुलांसाठी जेवणाची व्यवस्था, शालेय वस्तूंचे वाटप तसेच गोशाळेत चाऱ्याचे वाटप करण्यात आले.
या कार्यक्रमांतून सामाजिक बांधिलकी जपत स्वर्गीय उदय कांबळे यांना श्रद्धांजली अर्पण करण्यात आली. स्मशानभूमीत वृक्षारोपण करून पर्यावरण संवर्धनाचा संदेश देण्यात आला, तर तरुणांसाठी आयोजित रक्तदान शिबिरातून सामाजिक जाणीवेचा आदर्श निर्माण करण्यात आला.
याच अनुषंगाने युवकांना क्रीडेमार्फत प्रोत्साहन देण्यासाठी क्रिकेट व व्हॉलीबॉल स्पर्धांचे आयोजन करण्यात आले होते. क्रिकेट स्पर्धेत परिसरातील अनेक संघांनी उत्स्फूर्त सहभाग नोंदविला. मोठ्या संख्येने युवक या सर्व उपक्रमांमध्ये सहभागी झाले होते.
या वेळी पंचायत समितीचे माजी सदस्य हिरामण काकडे, हवेली तालुका आरपीआयचे अध्यक्ष मारुती कांबळे, बहुजन दलित महासंघाचे अध्यक्ष आनंद वैराट, भीमा गाव विजयस्तंभचे अध्यक्ष सर्जेराव वाघमारे, आरोग्यदूत ग्रामपंचायत सदस्य युवराज काकडे, उपसरपंच निखिल उंद्रे आदी मान्यवर उपस्थित होते.
तसेच युवानेते सिद्धांत तुपे, शंतनू धुमाळ, पृथ्वीराज काकडे, निखिल काळभोर, छत्रपती सेवा संघाचे अध्यक्ष सागर राजगुरू यांचीही उपस्थिती लाभली.
या सामाजिक उपक्रमांचे आयोजन सिद्धार्थ कांबळे, विजय कांबळे, युवानेते श्रीजय कांबळे, यश कांबळे, अजय बहुले, स्वप्निल माळी, आयुष गुप्ता, संग्राम तारू, ओम कुंजीर, प्रतीक वैराट, सूरज सरोदे आदींनी केले होते.
या सर्व उपक्रमांमुळे स्वर्गीय उदय दादा कांबळे यांच्या सामाजिक कार्याची आठवण जागवून त्यांच्या स्मृतींना भावपूर्ण श्रद्धांजली अर्पण करण्यात आली.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
