जिल्हा पोलीस प्रमुखांच्या आदेशाने पोलीस हवालदार बडतर्फ
क्राईम महाराष्ट्र लाईव्ह न्युज सहसंपादक शिवाजी दवणे,अहिल्यानगर 9730170965
अंमली पदार्थ तस्करीमध्ये दोषी आढळून आलेल्या अहिल्यानगर येथील पोलीस हवालदार शामसुंदर गुजर याला जिल्हा पोलीस प्रमुख यांच्या वतीने शासन सेवेतुन बडतर्फ करण्यात आल्याचे आदेश पारित करण्यात आले.
अहिल्यानगर जिल्हा पोलीस प्रमुख सोमनाथ घार्गे यांनी आज दि. ७ फेब्रुवारी २०२६ रोजी पारित केलेल्या आदेशात म्हटले आहे कि, अहिल्यानगर येथील स्थानिक गुन्हे शाखा (एलसीबी) येथे नेमणुकीस असलेला पोहेकॉ. शामसुंदर विश्वनाथ गुजर याचे विरुद्ध शिरुर पोलीस स्टेशन, पुणे ग्रामीण येथे गुन्हा रजि. नं. ५३/२०२६ एनडीपीएस कायदा कलम ८ (ब), २१ (क) प्रमाणे दिनांक १८/०१/२०२६ रोजी दाखल होवुन त्यास अटक झाली होती. तपासी अधिकारी यांचेकडुन प्राप्त झालेल्या अहवालावरुन शाम गुजर याचा अंमली पदार्थ तस्करीमध्ये प्रत्यक्ष सहभाग दिसुन आला आहे. तसेच तोफखाना पोलीस स्टेशन, अहिल्यानगर गुन्हा रजि. नं. ७६/२०२६ भारतीय न्याय संहिता सन २०२३ चे कलम ३१६ (५), ३१८ (४) प्रमाणे दिनांक ०७/०२/२०२६ अपहार व फसवणुकीचा गुन्हा नोंद झाला आहे. पोहेकॉ. शामसुंदर विश्वनाथ गुजर याच्यावर दाखल झालेल्या गंभीर गुन्हयांच्या अनुषंगाने त्यास भारतीय संविधानाच्या अनुच्छेद ३११ (२) (ब) प्रमाणे शासन सेवेतुन बडतर्फ करण्यात आले.
जिल्हा पोलीस प्रमुखांच्या कारवाईमुळे जिल्हा पोलीस वर्तुळात प्रचंड खळबळ उडाली आहे. मात्र या कारवाईमुळे सर्व सामान्य माणूस असो किंवा पोलीस असो, कायदा हा सर्वांना समान असल्याचे जिल्हा पोलीस प्रमुख सोमनाथ घार्गे यांनी दाखवून दिले.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
