पुणे महानगरपालिका निवडणुकीनंतर पुणे शहराने घेतला मोकळा श्वास
पुणे महानगरपालिकेच्या नुकत्याच पार पडलेल्या नगरसेवक निवडणुकीनंतर पुणे शहराने जणू मोकळा श्वास घेतल्याचे चित्र सध्या दिसून येत आहे. निवडणुकीपूर्वी सुमारे सहा महिने इच्छुक उमेदवारांनी पुणे शहरभर मोठ्या प्रमाणावर होर्डिंग, फ्लेक्स आणि बॅनर लावून शहराचे विद्रुपीकरण केले होते. शहरात फ्लेक्स लावण्यासाठी अधिकृत जागा उपलब्ध नसतानाही थेट फुटपाथवर बेकायदेशीर फ्लेक्स लावण्यात आले होते, अशी माहिती सामाजिक कार्यकर्ते सा. का. सचिन भोसले यांनी दिली.
निवडणूक काळात लावण्यात आलेल्या फ्लेक्सपैकी सुमारे ९० टक्के फ्लेक्स पूर्णपणे बेकायदेशीर होते. या बेकायदेशीर फ्लेक्समुळे पादचाऱ्यांना चालताना मोठ्या अडचणींचा सामना करावा लागला, अपघाताचा धोका वाढला तसेच पुणे शहराच्या सौंदर्यावर मोठा आघात झाला. मात्र या सर्व प्रकाराकडे पुणे महानगरपालिकेने जाणीवपूर्वक दुर्लक्ष केल्याचा आरोप करण्यात आला आहे.
उच्च न्यायालयाचा स्पष्ट आदेश असतानाही पुणे महानगरपालिकेने अनधिकृत फ्लेक्स, बॅनर आणि होर्डिंगवर प्रभावी कारवाई केली नाही. कागदोपत्री कारवाई झाल्याचे दाखवले जाते, मात्र प्रत्यक्षात ९० टक्के अनधिकृत फ्लेक्सवर कोणतीही कारवाईच होत नाही, असा गंभीर आरोपही सा. का. सचिन भोसले यांनी केला आहे.
निवडणूक प्रक्रिया पूर्ण झाली, मतदान झाले, काही निवडून आले तर काही पराभूत झाले. मात्र या संपूर्ण कालावधीत पुणे महानगरपालिका अक्षरशः झोपेत असल्याचे चित्र दिसून आले. आता निवडणूक संपल्यानंतर मोठ्या प्रमाणात फ्लेक्स लावले जाणार नाहीत, हे जरी खरे असले तरी निवडणूक काळात नागरिकांना झालेल्या त्रासाचा हिशोब कोण देणार? असा सवाल उपस्थित केला जात आहे.
या संपूर्ण घटनेतून पुणे महानगरपालिकेने बोध घ्यावा व यापुढे शहरात लावण्यात येणाऱ्या अनधिकृत फ्लेक्स, बॅनर व होर्डिंगवर कडक नजर ठेवून तात्काळ आणि कठोर कारवाई करावी, अशी मागणी करण्यात आली आहे. अन्यथा अतिक्रमण विभागाविरोधात तीव्र आंदोलन छेडण्यात येईल, तसेच फुकट पगार घेणाऱ्या आणि काम न करणाऱ्या अधिकाऱ्यांना कामावरून काढण्याची मागणी करण्यात येईल, असा इशाराही देण्यात आला आहे. जे अधिकारी नागरिकांना न्याय देत नाहीत, त्यांना त्या खुर्चीवर बसण्याचा कोणताही अधिकार नाही, असे ठाम मत सा. का. सचिन भोसले यांनी व्यक्त केले.
दरम्यान, प्रभाग क्रमांक २, फुलेनगर, नागपूर चाळ येथील फुटपाथवर लावलेल्या अनधिकृत बॅनर तसेच बॅनरच्या साठ्याबाबत पुणे महानगरपालिकेकडे अधिकृत तक्रार दाखल करण्यात आली आहे.
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
