पोलीस वर्धापन दिनानिमित्त एमआयटी विद्यापीठात व्यसनमुक्ती व रस्ता सुरक्षा सप्ताह निमित्त व्याख्यानाचे आयोजन
आज दिनांक ०६/०१/२०२६ रोजी सकाळी ११.०० वा. एमआयटी विद्यापीठ, लोणी काळभोर, पुणे याठिकाणी पोलीस वर्धापन दिनानिमित्त व्यसन मुक्ती व रस्ता सुरक्षा सप्ताह या विषयावर व्याख्यान आयोजित करण्यात आलेले होते. त्यामध्ये डॉ. राजकुमार शिंदे (IPS), पोलीस उपायुक्त, परिमंडळ-०६, पुणे शहर यांनी बोलाताना सांगितले की, स्वयंशिस्तीमुळे वैयक्तिक स्वातंत्र्यावर मर्यादा येत नसून, प्रत्यक्षात आपले रक्षण होत असते. वाहतुक सुरक्षा ही एक सामूहिक जबाबदारी असून खरे सामर्थ्य वेगात नसुन नियंत्रणात असते. हे तरूणांनी समजून घेतले पाहिजे आणि सुरक्षित वाहतुकीसाठी वाहतूक नियमांचे पालन करणे अनिवार्य आहे तसेच अंतर्गत सुरक्षेसाठी कम्युनिटी पोलिसिंग आवश्यक असून पोलीस वर्धापन दिन सप्ताहादरम्यान तरूणांनी पोलीसांशी संवाद साधावा. पोलीस स्टेशनला भेट देऊन तेथील कार्य पध्दती समजून घ्यावी, तसेच वाहतूक व्यवस्थापनात स्वयंसेवक म्हणून काम करून पोलीस दलाचा प्रत्यक्ष, अनुभव घ्यावा.
तसेच विद्यार्थ्यांच्या जीवनातील विविध पातळ्यांवर प्राप्त होणाऱ्या गुरूंची भूमिका अत्यंत मोलाची असते. आई-वडिल हे आद्य गुरू, तर शाळा व महाविद्यालयातील शिक्षक हे दुसरे गुरू असतात. परंतु एखाद्याचे वर्तन खराब असेल आणि ते पहिल्या दोन गुरूंच्या नियंत्रणाबाहेर गेल्यास तिसरे गुरू अर्थात पोलीसांना हस्तक्षेप करावा लागतो. त्यामुळे या गुरुच्या सान्निध्यात आले की कुठलाही शिष्य नक्कीच सुधारतो, अशी कोटी डॉ. शिंदे यांनी केल्यावर उपस्थितांमध्ये जोरदार हशा पिकला.
राजेंद्र करणकोट, पोलीस निरीक्षक, हडपसर वाहतुक विभाग यांनी वाहतुक नियमांच्या पालनावर भर दिला तसेच विद्यापीठाच्या शिस्तीचे कौतुक करताना ही शिस्त आध्यात्मिक पायावर निर्माण झाल्याने नमूद केले व वाहतूक सुरक्षेबाबत सविस्तर मार्गदर्शन केले.
तसेच राजेंद्र पन्हाळे, वरिष्ठ पोलीस निरीक्षक, लोणी काळभोर पोलीस स्टेशन, पुणे शहर यांनी वर्धापन दिनाच्या संदर्भाने पोलीस स्टेशन येथे आयोजित केलेल्या माहिती देण्यात आली तसेच एनडीपीएस कायदा १९८५ मधील तरतुदींबाबत माहिती दिली.
या कार्यक्रमांच्या वेळी प्रमुख मार्गदर्शक म्हणुन पोलीस उपायुक्त डॉ. राजकुमार शिंदे परिमंडळ-६, पुणे शहर एमआयी एडीटी विद्यापीठाच्या कार्यकारी संचालक प्रा. डॉ. सुनिता कराड, कुलगुरू प्रा. डॉ. राजेश एस. लोणी काळभोर पोलीस स्टेशनचे वरिष्ठ पोलीस निरीक्षक राजेंद्र पन्हाळे, हडपसर वाहतुक विभागाचे राजेंद्र करणकोट एमआयटी एडीटी विद्यापीठाचे प्रा. कुलगुरू डॉ. रामचंद्र पुजेरी, कुलसचिव डॉ. महेश चोपडे, विद्यार्थी कल्याण सहाय्यक संचालक डॉ. प्रतिभा जगताप, अधिष्ठाता डॉ. गणेश पाठक आदी मान्यवर उपस्थित होते.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
