पुणे / मुंबई: महाराष्ट्रातील सर्व 29 महानगरपालिकांमध्ये प्रत्येकी एक तृतीयपंथी व्यक्तीची स्वीकृत नगरसेवक म्हणून निवड करण्यात यावी, अशी ठोस मागणी करणारे निवेदन आज मा. आमदार चंद्रकांत दादा पाटील यांना सादर करण्यात आले.
हे निवेदन “आपली सप्तरंगी आई” या सामाजिक उपक्रमाच्या वतीने डॉ. आम्रपाली मोहिते यांनी दिले. तृतीयपंथीय समाजाला स्थानिक स्वराज्य संस्थांमध्ये प्रतिनिधित्व मिळणे ही काळाची गरज असून, शासनाने सकारात्मक निर्णय घ्यावा, अशी मागणी यावेळी करण्यात आली.
डॉ. मोहिते यांनी सांगितले की, तृतीयपंथीय समाजाला राजकीय मुख्य प्रवाहात आणण्यासाठी आणि त्यांच्या प्रश्नांना अधिकृत व्यासपीठ मिळण्यासाठी स्वीकृत नगरसेवक पद अत्यंत महत्त्वाचे ठरेल. सामाजिक न्याय आणि समान संधी या तत्वांच्या अनुषंगाने राज्य शासनाने तातडीने धोरणात्मक निर्णय घ्यावा, असेही निवेदनात नमूद करण्यात आले आहे.
याबाबत आमदार चंद्रकांत दादा पाटील यांनी सकारात्मक भूमिका घेत, विषय शासन पातळीवर मांडण्याचे आश्वासन दिल्याची माहिती देण्यात आली.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
