विद्यार्थी चळवळीतून पुढे आलेल्या उच्च व तंत्रशिक्षण मंत्री चंद्रकांत पाटील यांचा युवक काँग्रेसकडून जाहीर निषेध
पुणे विद्यापीठाच्या रँकिंगमध्ये झालेली घसरण ही विद्यार्थ्यांच्या आंदोलनामुळे झाली असा अविश्वसनीय आणि विद्यार्थ्यांना कमी लेखणारा शोध उच्च व तंत्रशिक्षण मंत्री चंद्रकांत पाटील यांनी लावला आहे. विद्यार्थी चळवळीतून पुढे आलेल्या व्यक्तीकडून असे विधान होणे ही अत्यंत धक्कादायक बाब आहे.
विद्यार्थ्यांचे प्रश्न, आंदोलनं ही त्यांच्या न्याय्य हक्कांसाठीची लढाई असते. आंदोलनांमुळे विद्यापीठांची प्रतिमा खराब होते, असे सांगणे म्हणजे विद्यार्थ्यांच्या संघर्षाची थट्टा करणे होय. प्रत्यक्षात राज्य सरकारच्या धोरणांमुळे, संशोधनासाठी लागणाऱ्या पायाभूत सुविधांच्या कमतरतेमुळे, तसेच शिक्षणक्षेत्रातील ढिसाळ कारभारामुळे विद्यापीठांच्या गुणवत्तेवर विपरीत परिणाम होत आहेत.
मंत्री पाटील यांचे वक्तव्य हे विद्यार्थ्यांचा आवाज दाबण्याचा, त्यांना दोषी ठरवण्याचा आणि प्रशासनाच्या अपयश झाकण्याचा केविलवाणा प्रयत्न आहे. त्यामुळे पुणे शहर युवक काँग्रेसतर्फे आम्ही या विधानाचा तीव्र शब्दांत निषेध करत असून मंत्री महोदयांनी सार्वजनिक माफी मागावी, अशी आमची मागणी आहे.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
