शिवसेनेकडून राजर्षी छत्रपती शाहू महाराजांना अभिवादन – सामाजिक न्यायाच्या मूल्यांची जपणूक करण्याचा निर्धार
पुणे :
सामाजिक न्यायाचे प्रणेते व आरक्षणाचे जनक असलेल्या राजर्षी छत्रपती शाहू महाराजांच्या प्रतिमेला अभिवादन करण्यासाठी आज शिवसेना उद्धव बाळासाहेब ठाकरे पक्षाच्या महिला आघाडीच्या वतीने पुणे महानगरपालिका मुख्य भवन येथे पुष्पहार अर्पण करण्यात आला.
अलीकडेच भाजपच्या महापौर व उपमहापौर यांच्या हस्ते डॉ केशव हेडगेवार यांच्या प्रतिमेला पुष्पहार अर्पण करण्यात आला; मात्र सामाजिक समतेसाठी आयुष्य वेचणाऱ्या राजर्षी शाहू महाराजांच्या प्रतिमेला सन्मान देण्यात आलेला नाही. या पार्श्वभूमीवर शिवसेना महिला आघाडीने सामाजिक न्यायाच्या मूल्यांप्रती आपली बांधिलकी व्यक्त करण्यासाठी हा उपक्रम हाती घेतला.
या प्रसंगी बोलताना महिला आघाडीच्या नेत्या रेखा कोंडे म्हणाल्या, “आरक्षणाचे जनक राजर्षी शाहू महाराजांना पुष्पहार अर्पण करण्यासाठी महानगरपालिकेकडे निधी नाही का? की मुद्दाम फक्त हेडगेवार यांच्या प्रतिमेलाच सन्मान देऊन विशिष्ट विचारसरणीला खूश करण्याचा प्रयत्न केला जात आहे? आम्ही शिवसेना म्हणून सत्ताधाऱ्यांच्या प्रत्येक कामावर लक्ष ठेवून आहोत. त्यांनी संविधानाच्या चौकटीत राहून कार्य करावे.”
हा उपक्रम कोणत्याही राजकीय हेतूने नसून सामाजिक न्याय, समता आणि संविधानिक मूल्यांप्रती निष्ठा व्यक्त करण्यासाठी आयोजित करण्यात आल्याचे यावेळी स्पष्ट करण्यात आले.
सदर कार्यक्रमास महिला आघाडीच्या रेखा कोंडे, सोनाली जुनावणे, विजया मोहिते, अमृत पठारे, अयोध्या डोईफोडे, स्वाती कथलकर आणि कविता कोंडे उपस्थित होत्या.
कळावे,
अनंत रामचंद्र घरत
प्रसिद्धी प्रमुख, पुणे
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
