कुख्यात गँगस्टर टिपू पठाण टोळीला जामीन मंजूर
वेळेत दोषारोपपत्र दाखल न केल्याने विशेष मोक्का न्यायालयाचा निर्णय
पुणे, दि. १३ फेब्रुवारी २०२६ (महाराष्ट्र न्यूज नेटवर्क)
कुख्यात गँगस्टर टिपू पठाण व त्याच्या टोळीतील सहा जणांना विशेष मोक्का न्यायालयाने जामीन मंजूर केला आहे. पोलिसांकडून ९० दिवसांच्या आत दोषारोपपत्र दाखल करण्यात अपयश आल्याने हा निर्णय देण्यात आला.
या प्रकरणात पोलिसांनी कायद्यानुसार ९० दिवसांच्या आत दोषारोपपत्र दाखल करणे आवश्यक होते. तसेच मुदतवाढ घ्यायची असल्यास किमान १० दिवस आधी अर्ज करणे गरजेचे होते. मात्र पोलिसांनी ८९ व्या दिवशी मुदतवाढीचा अर्ज सादर केला. न्यायालयाने ७ फेब्रुवारी रोजी सुनावणी ठेवून आरोपींना नोटीस बजावण्याचे आदेश दिले होते. परंतु आरोपींना नोटीस बजावण्यात पोलिसांकडून त्रुटी झाल्याचे न्यायालयाने नमूद केले.
याप्रकरणी बचाव पक्षाचे वकील अॅड. बिलाल शेख यांनी उच्च न्यायालयातील दोन निर्णयांचा दाखला देत मुदतवाढीचा अर्ज नियमबाह्य असल्याचा युक्तिवाद केला. तो न्यायालयाने मान्य केला.
प्रकरणाची पार्श्वभूमी
हडपसर येथील १२९० चौ.मी. जागेवर बेकायदेशीर ताबा घेऊन पत्र्याचे शेड उभारून भाड्याने देणे तसेच २५ लाख रुपयांची खंडणी मागितल्याचा आरोप टिपू पठाण व त्याच्या साथीदारांवर आहे. १० नोव्हेंबर २०२५ रोजी पोलिसांनी सहा आरोपींना अटक केली होती व त्यांच्यावर मोक्का अंतर्गत कारवाई करण्यात आली होती.
तपास सहायक पोलीस आयुक्त नम्रता देसाई यांच्याकडे सोपविण्यात आला होता. दरम्यान, टोळीच्या बेकायदेशीर इमारती महापालिकेच्या मदतीने जमीनदोस्त करण्यात आल्या.
न्यायालयाचा आदेश
विशेष मोक्का न्यायाधीश एस. एस. कंठाळे यांनी सहा आरोपींना प्रत्येकी १ लाख रुपयांच्या जातमुचलक्यावर जामीन मंजूर केला.
जामीनाच्या अटी:
आरोपींनी ३ वर्षे किंवा खटला पूर्ण होईपर्यंत पुणे शहरात प्रवेश करू नये.
केवळ खटल्याच्या तारखेला किंवा पोलिसांनी बोलावल्यासच शहरात येण्याची परवानगी.
राहण्याचा पत्ता व संपर्क क्रमांक न्यायालयात सादर करणे बंधनकारक.
अटींचा भंग केल्यास जामीन रद्द करण्यात येईल.
न्यायालयाने आदेशाची प्रत माहिती व आवश्यक कारवाईसाठी पुणे पोलीस आयुक्तांना पाठविण्याचे निर्देश दिले आहेत.
जामीन मिळालेले आरोपी
रिझवान ऊर्फ टिपू सत्तार पठाण
इजाज सत्तार पठाण
सद्दाम सलीम पठाण
अजीम ऊर्फ अंट्या मोहम्मद हसेन शेख
मतीन हकीम सय्यद
तन्वीर शकील शेख
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
