पुणे | प्रतिनिधी
दि. 19 एप्रिल 2026 रोजी भारतीय पॅंथर संघटना संस्थापक व अध्यक्ष माननीय गणेश भाऊ लांडगे यांच्या पुढाकारातून भारतरत्न डॉ. बाबासाहेब आंबेडकर यांच्या 135 व्या जयंतीनिमित्त गरजू नागरिकांसाठी धान्य किट वाटपाचा सामाजिक उपक्रम आयोजित करण्यात आला. या कार्यक्रमाला सामाजिक बांधिलकीची जोड देत मोठ्या उत्साहात पार पडला.
या कार्यक्रमासाठी प्रमुख मान्यवर म्हणून राष्ट्रीय दलित पॅंथर सेनेच्या राष्ट्रीय अध्यक्ष माननीय सौ. अस्माताई वसीम शेख, तसेच रिपब्लिकन पार्टी ऑफ इंडिया (सचिन खरात गट) चे पश्चिम महाराष्ट्र अध्यक्ष मा. राजा भाऊ कांबळे आणि महाराष्ट्र प्राईम न्यूज चॅनलच्या संपादिका मा. प्रतिक्षा ताई तायडे यांची विशेष उपस्थिती लाभली. मान्यवरांच्या हस्ते गरजू कुटुंबांना धान्य किटचे वितरण करण्यात आले.
कार्यक्रमादरम्यान उपस्थित मान्यवरांनी डॉ. बाबासाहेब आंबेडकर यांच्या विचारांचे स्मरण करून सामाजिक समता, न्याय आणि बांधिलकी यांचा संदेश दिला. गरजू घटकांपर्यंत मदतीचा हात पोहोचवणे हीच खरी बाबासाहेबांना आदरांजली असल्याचे मत व्यक्त करण्यात आले.
यावेळी कार्यक्रमाचे आभार प्रदर्शन भारतीय पॅंथर संघटना पुणे जिल्हा अध्यक्ष माननीय योगेश कांबळे आणि पुणे शहर उपाध्यक्ष माननीय आकाश गीते यांनी केले. त्यांनी उपस्थित सर्व मान्यवर, कार्यकर्ते आणि नागरिकांचे मनःपूर्वक आभार मानले.
याच प्रसंगी, राष्ट्रीय दलित पॅंथर सेनेच्या पुणे शहरात चालणाऱ्या “जिथे अन्याय तिथे न्याय” या कार्याची दखल घेत भारतीय पॅंथर संघटनेने राष्ट्रीय दलित पॅंथर सेनेला जाहीर पाठिंबा दिल्याची घोषणा करण्यात आली. या निर्णयामुळे सामाजिक चळवळींना अधिक बळ मिळणार असल्याची भावना उपस्थितांमध्ये व्यक्त झाली.
हा उपक्रम केवळ जयंतीपुरता मर्यादित न राहता समाजातील वंचित घटकांसाठी सातत्याने काम करण्याचा संकल्प यावेळी करण्यात आला.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
