मुळा रोडवरील निकृष्ट दुरुस्तीचे काम; काँग्रेसचे सचिन भोसले यांनी छावणी परिषदेवर ताशेरे
मुळा रोड (खडकी) येथे काही दिवसांपूर्वी छावणी परिषद खडकी (Khadki Cantonment Board) यांच्या वतीने रस्त्याची दुरुस्ती करण्यात आली होती. मात्र या दुरुस्तीचे काम अत्यंत निकृष्ट दर्जाचे व नियमबाह्य पद्धतीने केल्याचा गंभीर आरोप काँग्रेसचे वडगावशेरी ब्लॉक उपाध्यक्ष आणि सामाजिक कार्यकर्ते सचिन भोसले यांनी केला आहे.
दुरुस्ती करूनही रस्त्याच्या संपूर्ण कडेला मोठ्या प्रमाणात खडी, दगडांचे तुकडे आणि कच जमा आहे. या निष्काळजीपणामुळे दुचाकीस्वारांचा तोल जाऊन अनेकदा घसरण्याच्या घटना घडल्या असून स्थानिक नागरिकांमध्ये भीतीचे वातावरण निर्माण झाले आहे. रस्त्याच्या कडेला साचलेली ही खडी भविष्यात मोठा अपघात घडवू शकते, असा गंभीर इशाराही भोसले यांनी दिला.
या परिस्थितीचा त्वरित आढावा घेऊन काँग्रेसचे सचिन भोसले यांनी छावणी परिषद खडकी प्रशासनाला लेखी निवेदन सादर केले. या निवेदनात रस्त्याच्या कडेला पडलेला संपूर्ण खडी-कचरा तातडीने हटवून रस्ता सुरक्षित करण्याची मागणी करण्यात आली आहे. नागरिकांच्या जीविताच्या सुरक्षेसाठी आवश्यक त्या उपाययोजना करण्यात विलंब झाल्यास काँग्रेस पक्षाच्या वतीने तीव्र आंदोलन छेडण्यात येईल, असा स्पष्ट इशाराही त्यांनी दिला.
सदर दुरुस्तीचे काम कोणत्या कंत्राटदारामार्फत करण्यात आले आणि त्यावर योग्य देखरेख का ठेवली गेली नाही याबाबतही प्रश्नचिन्ह उपस्थित होत आहेत. “नागरिकांच्या सुरक्षिततेशी तडजोड सहन केली जाणार नाही. प्रशासनाने तातडीने जबाबदारी निश्चित करून आवश्यक ती कारवाई करावी,” अशी मागणीही भोसले यांनी केली आहे.
येजा करणाऱ्या नागरिकांनीही काँग्रेसच्या या भूमिकेला पाठिंबा दर्शवित, प्रशासनाने दुर्लक्ष न करता त्वरित कारवाई करण्याची अपेक्षा व्यक्त केली आहे.
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
