पुणे:
पुणे शहर पोलिसांच्या कोथरुड पोलीस ठाण्याने बेकायदेशीर शस्त्र बाळगणाऱ्या आणि त्यांची विक्री करणाऱ्या टोळीचा पर्दाफाश केला आहे. पोलिसांनी अत्यंत गुप्तता पाळून केलेल्या कारवाईत रेकॉर्डवरील तीन अट्टल आरोपींना अटक केली असून, त्यांच्या ताब्यातून ४ गावठी बनावटीची पिस्तूल (पिस्टल), १२ जिवंत काडतुसे (राऊंड) आणि गुन्ह्यात वापरलेली एक ॲक्टिव्हा दुचाकी असा एकूण २,३२,००० रुपये किमतीचा मुद्देमाल जप्त केला आहे.
गोपनीय बातमीदाराकडून मिळाली माहिती
या कारवाईची सविस्तर पार्श्वभूमी अशी की, दि. १६ जून २०२५ रोजी कोथरुड पोलीस ठाण्यातील पोलीस अंमलदार शकील पठाण आणि संजय दहिभाते यांना त्यांच्या विश्वसनीय गोपनीय बातमीदारांमार्फत एक महत्त्वपूर्ण माहिती मिळाली. कमीन्स कंपनीच्या कम्पाउंडच्या पाठीमागील बाजूस एक संशयित इसम, ज्याने लाल रंगाचा शर्ट आणि काळ्या रंगाची नाईट पँट घातलेली आहे, तो आपल्या कंबरेला पाठीमागे पिस्तूल लावून थांबलेला आहे, अशी ती माहिती होती. शकील पठाण आणि संजय दहिभाते यांनी ही माहिती तात्काळ वरिष्ठ पोलीस निरीक्षक श्री. अरुण घोडके यांना कळवली.
पोलिसांनी रचला सापळा
माहितीचे गांभीर्य ओळखून वरिष्ठ पोलीस निरीक्षक अरुण घोडके यांच्या मार्गदर्शनाखाली सहाय्यक पोलीस निरीक्षक सुधीर घुले, पोलीस स्टाफ आणि शासकीय पंचांसह तात्काळ बातमीच्या ठिकाणी रवाना झाले. पोलिसांनी त्या परिसरात सापळा रचला असता, बातमीदाराने सांगितलेल्या वर्णनाचा एक इसम आणि त्याच्यासोबत आणखी एक इसम संशयास्पदरीत्या थांबलेले आढळून आले. पोलिसांनी अत्यंत चाणाक्षपणे वेढा घालून त्या दोन्ही इसमांना ताब्यात घेतले.
दोन आरोपींना अटक व पहिली जप्ती
पोलिसांनी त्यांची नावे व पत्ता विचारला असता, त्यांनी आपली नावे पुढीलप्रमाणे सांगितली:
१. निशांत रमेश सातपुते (वय २२ वर्षे, रा. गणेश नगर, शनी मारुती मंदिराजवळ, एरंडवणे, पुणे)
२. संकेत प्रकाश निवंगुणे (वय २४ वर्षे, रा. तागुंदे हाईट्स, त्रिमुर्ती सोसायटी, यशोदीप चौक, वारजे माळवाडी, पुणे)
त्यानंतर पंचांसमक्ष त्यांची झडती घेतली असता, आरोपी निशांत रमेश सातपुते याच्या कंबरेला एक गावठी बनावटीचे पिस्तूल आणि पॅन्टच्या खिशात ३ जिवंत काडतुसे मिळून आली. पोलिसांनी या शस्त्रांबाबत कसून चौकशी केली असता, हे पिस्तूल आणि काडतुसे त्याने त्याचा साथीदार आरोपी संकेत प्रकाश निवंगुणे याच्याकडून विकत घेतल्याचे कबूल केले.
गुन्ह्याची नोंद आणि तिसऱ्या आरोपीचा शोध
याप्रकरणी कोथरुड पोलीस ठाण्यात गुन्हा रजिस्टर क्रमांक २१४/२०२६ नुसार भारतीय न्याय संहिता (BNS) कलम ३(५), आर्म ॲक्ट कलम ३(२५), आणि महाराष्ट्र पोलीस कायदा कलम ३७(१) सह १३५ अन्वये गुन्हा नोंदवून आरोपी संकेत निवंगुणे याला अटक करण्यात आली. अटक आरोपी संकेत निवंगुणे याच्याकडे पोलिसांनी अधिक तपास व कसून चौकशी केली असता, त्याचा आणखी एक साथीदार श्रावण पवार याच्याकडे ३ पिस्तूल आणि राऊंड असल्याची माहिती तपासात निष्पन्न झाली.
या माहितीच्या आधारे पोलिसांनी तात्काळ कारवाई करत स्टाफच्या मदतीने तिसरा आरोपी श्रावण नितीन पवार (वय २० वर्षे, रा. श्रमिक वसाहत, वारजे, पुणे) याला अटक केली. त्याची झडती घेतली असता, त्याच्या ताब्यातील ॲक्टिव्हा गाडीच्या डिक्कीमधून ३ गावठी पिस्तूल आणि ९ जिवंत राऊंड (काडतुसे) जप्त करण्यात आले.
या संपूर्ण गुन्ह्यात ४ पिस्तूल, १२ राऊंड आणि १ ॲक्टिव्हा गाडी असा एकूण २ लाख ३२ हजार रुपयांचा मुद्देमाल हस्तगत केला आहे. या प्रकरणाचा पुढील तपास सहाय्यक पोलीस निरीक्षक सुधीर घुले करत आहेत.
कामगिरी करणारी पोलीस टीम
ही उल्लेखनीय कामगिरी मा. अपर पोलीस आयुक्त श्री. राजेश बनसोडे, मा. पोलीस उप आयुक्त (परिमंडळ ०३) श्री. सागर कवडे, आणि मा. सहायक पोलीस आयुक्त (कोथरुड विभाग) श्रीमती सुजाता तानवडे यांच्या मार्गदर्शनाखाली पार पडली.
तसेच कोथरुड पोलीस ठाण्याचे मा. वरिष्ठ पोलीस निरीक्षक श्री. अरुण घोडके, मा. पोलीस निरीक्षक (गुन्हे) श्री. अनिल माने, आणि मा. पोलीस निरीक्षक (गुन्हे) श्री. सुनिल कारोटे यांच्या प्रत्यक्ष नेतृत्वाखाली सहाय्यक पोलीस निरीक्षक सुधीर घुले, पोलीस अंमलदार शकील पठाण, संजय दहिभाते, दत्तात्रय सोनवणे, श्रीकांत दगडे, अंबादास लोखंडे, मयुर पांढरे, ऋषिकेश कोळप, ज्ञानेश्वर पांचाळ, मंगेश शेळके, आणि वैभव शितकाल यांनी ही यशस्वी कारवाई केली आहे.
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
