पुणे | प्रतिनिधी
पुणे महानगरपालिकेचे अतिरिक्त आयुक्त (Estates) पृथ्वीराज बी. पी. यांच्या कथित मनमानी व अयोग्य वर्तनाचा प्रकार प्रसारमाध्यमांत झळकल्यानंतर संबंधित प्रकरणाची गंभीर दखल घेण्याची मागणी करण्यात आली आहे. याबाबत राज्याचे मुख्य सचिव, भारत सरकारचे कार्मिक व प्रशिक्षण विभाग (DOPT) तसेच संघ लोकसेवा आयोग (UPSC) अध्यक्ष यांच्याकडे अधिकृत तक्रार सादर करण्यात आली आहे.
तक्रारदार पत्रकार श्री. उमेर मैनुद्दीन शेख (वरिष्ठ पत्रकार, इंडियन टाइम्स रिव्ह्यू) यांनी दिलेल्या निवेदनानुसार, दिनांक 05 जानेवारी 2026 रोजी पुणे महानगरपालिकेच्या कार्यालयात अधिकृत कामानिमित्त भेट दिली असता, अतिरिक्त आयुक्तांच्या निर्देशावरून सुरक्षा कर्मचाऱ्यांकडून त्यांच्याशी गैरवर्तन करण्यात आले व कार्यालयाबाहेर काढण्यात आले. या घटनेमुळे पत्रकारितेच्या कर्तव्य बजावण्यात अडथळा निर्माण झाल्याचा आरोप करण्यात आला आहे.
सदर प्रकरणी 06 जानेवारी 2026 रोजी शपथपत्राद्वारे अधिकृत तक्रार दाखल करण्यात आली असून, त्यात कर्तव्यच्युती, सत्तेचा गैरवापर व गैरवर्तन यांसारख्या मुद्द्यांवर सखोल चौकशीची मागणी करण्यात आली आहे. तसेच संबंधित अधिकाऱ्यांविरुद्ध विभागीय कारवाई व फौजदारी कारवाईसाठी परवानगी देण्याची विनंती करण्यात आली आहे.
तक्रार प्रत खालील अधिकाऱ्यांना पाठविण्यात आली आहे –
महाराष्ट्र राज्याचे मुख्य सचिव, मंत्रालय, मुंबई
विभागीय आयुक्त, पुणे विभाग
महापालिका आयुक्त व प्रशासक, पुणे महानगरपालिका
सचिव, कार्मिक व प्रशिक्षण विभाग (DOPT), भारत सरकार
अध्यक्ष, UPSC, नवी दिल्ली
पत्रकार संघटनांनीही या प्रकरणाची दखल घेत पारदर्शक चौकशीची मागणी केली आहे. सार्वजनिक प्रशासनातील अधिकाऱ्यांनी माध्यम प्रतिनिधींशी कायदेशीर व सन्मानपूर्वक वर्तन करणे अपेक्षित असल्याचे मत व्यक्त करण्यात आले आहे.
तक्रारदारांनी सांगितले की, “सार्वजनिक हिताच्या प्रश्नांवर माहिती घेण्यासाठी भेट दिली असता अशा प्रकारे अडथळा निर्माण होणे हे लोकशाही मूल्यांच्या विरोधात आहे. संपूर्ण प्रकरणाची निष्पक्ष चौकशी होऊन दोषींवर कारवाई व्हावी.”
या प्रकरणाकडे राज्य व केंद्र शासन स्तरावरून काय भूमिका घेतली जाते, याकडे सर्वांचे लक्ष लागले आहे.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
