वांबोरी येथे सुमारे दीड लाखाचा मावा व मुद्देमाल जप्त
संपादकीय शिवाजी दवणे 9730170965
क्राईम महाराष्ट्र न्यूज
राहुरी तालुक्यातील वांबोरी येथे स्थानिक गुन्हे शाखेच्या पथकाने एका घराच्या खोलीमध्ये मशीनने सुगंधी तंबाखु व सुपारी मिश्रीत मावा विक्रीसाठी तयार करत असलेल्या ठिकाणी छापा टाकून १ लाख ४६ हजार ५४० रुपये किंमतीचा मुद्देमाल जप्त करण्यात आला. या कारवाईमुळे अवैध व्यावसायिकांचे चांगलेच धाबे दणाणले आहे.
अहिल्यानगरचे पोलीस अधिक्षक सोमनाथ घार्गे यांनी स्थानिक गुन्हे शाखेला जिल्ह्यातील अवैध व्यावसायिकांवर कारवाई करण्याचे आदेश दिले आहेत. त्यानुसार स्थानिक गुन्हे अन्वेषण विभाग पथकाचे पोलिस निरीक्षक दिनेश आहेर यांनी तपास पथकातील पोलीस अंमलदार गणेश लोंढे, गणेश धोत्रे, रणजीत जाधव, विशाल तनपुरे यांचे पथक तयार करून राहुरी पोलीस स्टेशन हद्दीत अवैध व्यावसायिकांची माहिती काढुन त्यांच्या विरुध्द कारवाई करणे बाबत सुचना देऊन पथक रवाना केले. शुक्रवार दि. १८ जुलै २०२५ रोजी पथक राहुरी पोलीस स्टेशन हद्दीत अवैध धंद्यांची माहिती घेत असताना, पथकास गोपनीय माहिती मिळाली की, पप्पु जाधव हा वांबोरी ते देहरे जाणारे रस्त्यालगत, मोरे वस्ती, वांबोरी येथे एका घराच्या खोलीमध्ये मशीनने सुगंधी तंबाखु व सुपारी मिश्रीत मावा विक्रीसाठी तयार करत आहे. पथकाने पंचासमक्ष या ठिकाणी छापा टाकला असता राहुल उर्फ पिनू गोरक्षनाथ जाधव, वय ३०, रा. वांबोरी, ता. राहुरी, हा इलेक्ट्रीक मशीनवर मावा तयार करताना मिळून आल्याने त्यास ताब्यात घेतले. त्याच्याकडे मुद्देमाला बाबत विचारपूस केली असता तो व त्याचा भाऊ अमोल उर्फ पप्पु गोरक्षनाथ जाधव, रा. वांबोरी, ता. राहुरी, (फरार) हे सुगंधित मावा तयार करत असल्याचे सांगीतले.
स्थानिक गुन्हे शाखेच्या पथकाने या ठिकाणावरून १ लाख ४६ हजार ५४० रुपये किंमतीचा १५ किलो सुगंधीत मावा, १० किलो सुपारी, १ इलेक्ट्रीक मोटार व मशीन, एक वजन काटा, २ किलो चुना, सुगंधीत तंबाखु असा मुद्देमाल जप्त केला. ताब्यातील आरोपीस जप्त करण्यात आलेल्या मुद्देमालासह राहुरी पोलीस स्टेशन येथे हजर करून आरोपी विरूध्द राहुरी पोलीस ठाण्यात गुन्हा रजि. नं. ७९४/२०२५ भारतीय न्याय संहिता कलम १२३, २२३, २७४, २७५, ३ (५) सह अन्न सुरक्षा मानके अधिनियमान्वये गुन्हा दाखल करण्यात आला.
सदर गुन्ह्याचा पुढील तपास राहुरी पोलीस करीत आहेत. सदर कारवाई पोलीस अधीक्षक, सोमनाथ घार्गे, अप्पर पोलीस अधीक्षक, सोमनाथ वाकचौरे, उपविभागीय पोलीस अधिकारी बसवराज शिवपुजे, यांच्या सुचना व मार्गदर्शनाखाली स्थानिक गुन्हे शाखेचे पोलीस अधिकारी व अंमलदार यांनी केली.
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
