उरळी कांचन : गौणखनिज उत्खननात मंडळ अधिकारी व तलाठ्यांची ‘बकासुरी’ – प्रशासन डोळेझाक करतंय का?
उरळी कांचन (ता. हवेली) | प्रतिनिधी
उरळी कांचन परिसरात गेल्या अनेक महिन्यांपासून सुरू असलेले गौणखनिज उत्खनन हे आता केवळ बेकायदेशीर उद्योग न राहता, काही मंडळ अधिकारी व तलाठी यांच्या संगनमताने चालणारी बकासुरी असल्याचे गंभीर आरोप नागरिकांकडून होत आहेत. नदीपात्रे, ओढे, शासकीय व खासगी जमिनींवर रात्रंदिवस उत्खनन सुरू असून, महसूल प्रशासनाची भूमिका संशयाच्या भोवऱ्यात सापडली आहे.
स्थानिक नागरिकांच्या तक्रारीनुसार, उत्खननाची माहिती वेळोवेळी देऊनही कारवाई शून्य आहे. उलट, कारवाईची शक्यता निर्माण झाली की संबंधित यंत्रणा आधीच सावध होतात, यामुळे “माहिती आतूनच लीक होते का?” असा प्रश्न उपस्थित होतो. जे अधिकारी कायद्याचे रक्षण करणारे असायला हवेत, तेच जर गौणखनिज उत्खनन अधिकारी असल्याप्रमाणे वागत असतील, तर सामान्य नागरिकांनी दाद कुणाकडे मागायची?
या बेकायदेशीर उत्खननामुळे:नदीपात्रांची मोठ्या प्रमाणात हानी होत आहे शेतीची उपजाऊ माती नष्ट होत आहे
भूजल पातळी घसरत आहे गावातील रस्ते व पायाभूत सुविधा उध्वस्त होत आहेत
तक्रारदारांनी असा आरोपही केला आहे की, काही प्रकरणांत तक्रार केल्यानंतर तक्रारदारांवरच दबाव टाकला जातो. हा प्रकार लोकशाही मूल्यांना आणि कायद्याच्या राज्याला काळिमा फासणारा आहे.
नागरिकांच्या ठोस मागण्या
1. उरळी कांचन परिसरातील सर्व उत्खनन प्रकरणांची स्वतंत्र चौकशी
2. दोषी मंडळ अधिकारी व तलाठ्यांवर निलंबन व फौजदारी कारवाई
3. उत्खननामुळे झालेल्या पर्यावरणीय हानीची भरपाई व पुनर्स्थापना
4. तक्रारदारांचे संरक्षण आणि तक्रारींवर वेळबद्ध कारवाई
जर तात्काळ ठोस पावले उचलली नाहीत, तर हे ‘बकासुर’ गावाची नैसर्गिक संपत्ती गिळंकृत करत राहतील, असा इशारा नागरिकांनी दिला आहे. आता पाहायचे इतकेच की, प्रशासन जागे होते की मौनच पाळते?
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
