२५० किमी प्रवास करून अवघ्या ०८ तासांत १३ वर्षीय मुलीचा शोध
लोणीकाळभोर पोलिसांची उल्लेखनीय कामगिरी
दिनांक ०९/०१/२०२६ रोजी दुपारी सुमारे ११.०० वाजण्याच्या सुमारास लोणीकाळभोर पोलीस स्टेशन हद्दीतील एका सोसायटीमध्ये साफसफाईचे काम करणाऱ्या सेविकेची १३ वर्षीय मुलगी अचानक बेपत्ता झाल्याची घटना घडली. काम संपल्यानंतर मुलगी बाहेर न दिसल्याने तक्रारदार महिलेने परिसरात सर्वत्र शोध घेतला. मात्र मुलगी मिळून न आल्याने रात्री सुमारे १०.०० वाजता लोणीकाळभोर पोलीस स्टेशन येथे तक्रार दाखल करण्यात आली.
तक्रारीचे गांभीर्य लक्षात घेऊन लोणीकाळभोर पोलिसांनी तात्काळ गुन्हा दाखल करून तपास सुरू केला. तांत्रिक विश्लेषण व माहितीच्या आधारे सदर पीडित मुलगी उस्मानाबाद परिसरात असल्याचे निदर्शनास आले. वेळ न दवडता विशेष पथकाची नेमणूक करून सुमारे २५० किमी अंतराचा प्रवास करत अवघ्या ०८ तासांत पीडित मुलीचा शोध घेण्यात आला.
पोलीस पथकाने पीडित मुलीस सुरक्षितरित्या ताब्यात घेऊन लोणीकाळभोर पोलीस स्टेशन येथे आणले. आवश्यक वैद्यकीय तपासणी करून पुढील कायदेशीर प्रक्रिया पूर्ण करण्यात आली असून मुलगी सुखरूप असल्याची खात्री करण्यात आली आहे.
या तत्पर आणि प्रभावी कारवाईमुळे पीडित मुलीचा जीव वाचविण्यात यश आले असून लोणीकाळभोर पोलिसांनी समाजात सुरक्षिततेचा विश्वास अधिक दृढ केला आहे.
ही कामगिरी मा. पोलीस उप आयुक्त, परिमंडळ – ६ डॉ. राजकुमार शिंदे, मा. सहाय्यक पोलीस आयुक्त श्रीमती अनुराधा उदमले यांच्या मार्गदर्शनाखाली वरिष्ठ पोलीस निरीक्षक श्री. राजेंद्र पन्हाळे, पोलीस निरीक्षक (गुन्हे) स्मिता पाटील, सहाय्यक पोलीस उपनिरीक्षक, तसेच पोलीस अधिकारी व अंमलदार यांच्या संयुक्त प्रयत्नातून पार पडली.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
