पुणे: पुणे शहरातील कसबा पेठ भागात झालेल्या एका मोठ्या घरफोडीचा छडा लावण्यात फरासखाना पोलीस स्टेशनच्या तपास पथकाला अत्यंत महत्त्वपूर्ण यश आले आहे. पोलिसांना गुंगारा देत देशातील विविध राज्यांत आणि महाराष्ट्रातील वेगवेगळ्या जिल्ह्यांत सातत्याने ठावठिकाणा बदलणाऱ्या दोन अट्टल घरफोडी करणाऱ्या आरोपींना पोलिसांनी अखेर बेड्या ठोकल्या आहेत. त्यांच्याकडून गुन्ह्यात चोरीला गेलेले सोने, रोख रक्कम, गुन्ह्यात वापरलेली मोटारसायकल आणि घरफोडीचे साहित्य असा एकूण १४,४९,४००/- रुपये किमतीचा मुद्देमाल हस्तगत करण्यात आला आहे.
नेमकी घटना काय होती?
दिनांक ०६/०३/२०२६ रोजी रात्री २०:३० वा. ते २२:०० वाजेच्या सुमारास कसबा पेठेतील पवळे चौक येथील ‘बंटी कॉर्नर बिल्डींग’च्या दुसऱ्या मजल्यावरील फ्लॅट नं. ०३ मध्ये एक मोठी घरफोडी झाली होती. अज्ञात चोरांनी घराच्या सेफ्टी दरवाजाचा कोयंडा तोडून आत प्रवेश केला. चोरट्यांनी बेडरुममध्ये ठेवलेले तब्बल १३०.३०० ग्रॅम वजनाचे सोन्याचे दागिने (ज्यामध्ये सोन्याचे पेंडल गंठण, सोन्याचा लंबहार, लहान मुलांच्या कानातील बाळी, हातातील सोन्याचे मणी असलेले मनगटा) आणि ५०,०००/- रुपये रोख रक्कम असा एकूण ११,०७,४००/- रुपये किमतीचा मुद्देमाल फिर्यादीच्या संमतीशिवाय चोरून नेला होता. या प्रकरणी फरासखाना पोलीस स्टेशन येथे अज्ञात आरोपींविरुद्ध गु.र.नं. ७२/२०२६, भारतीय न्याय संहिता (BNS) कलम ३०५ (अ), ३३१ (४) प्रमाणे गुन्हा दाखल करण्यात आला होता.
आरोपींनी पोलिसांना दिली हुलकावणी, छत्रपती संभाजीनगरमधून अटक
गुन्हा दाखल झाल्यानंतर तपास पथकातील पोलीस उप-निरीक्षक अरविंद शिंदे व त्यांचे अंमलदार परिसरातील खाजगी सी.सी.टी.व्ही. फुटेजची तपासणी करत होते. दरम्यान, पोलीस हवालदार गजानन सोनुने यांनी फुटेजमधील आरोपींना ओळखले. पोलीस पथक आरोपींच्या प्राप्त पत्त्यावर शोध घेण्यासाठी गेले असता, आरोपींना पोलिसांची चाहूल लागली आणि ते तेथून पसार झाले.
अटक टाळण्यासाठी आरोपींनी आपली ओळख व राहण्याचे ठिकाण वारंवार बदलले. ते दिल्ली, अयोध्या, आग्रा, झाशी, लातूर, बार्शी आणि छत्रपती संभाजीनगर अशा विविध भागात सातत्याने फिरत होते. अखेर, छत्रपती संभाजीनगर येथील पोलिसांच्या मदतीने या आरोपींना ताब्यात घेण्यात आले आणि तेथून फरासखाना पोलिसांनी त्यांना वर्ग (Transfer) करून घेत रीतसर अटक केली.
अटक करण्यात आलेल्या आरोपींची नावे:
१) चंद्रकांत उर्फ चंद्या अनंत माने (वय ३३ वर्षे, रा. वेताळनगर झोपडपट्टी, चिंचवडगाव, चिंचवड, पुणे)
२) रामा उर्फ रामजाने लक्ष्मण क्षिरसागर (वय ३३ वर्षे, रा. गौर वाघोली, ता. कळंब, जिल्हा धाराशिव)
१८.४९ लाखांचा मुद्देमाल हस्तगत
आरोपींना अटक केल्यानंतर त्यांना पोलीस कस्टडी सुनावण्यात आली होती. पोलीस कस्टडी दरम्यान झालेल्या सखोल चौकशीत पोलिसांनी आरोपींकडून गुन्ह्यात वापरलेली मोटारसायकल, घराचा दरवाजा तोडण्यासाठी वापरलेला अॅडजस्ट टेबल पाना (पक्कड) तसेच चोरीला गेलेले १३०.३०० ग्रॅम वजनाचे सोने असा एकूण १८,४९,४००/- रुपये किमतीचा मुद्देमाल हस्तगत करण्यात यश मिळवले आहे. या दाखल गुन्ह्याचा पुढील तपास पोलीस अंमलदार गजानन सोनुने हे करत आहेत.
या अधिकाऱ्यांच्या मार्गदर्शनाखाली झाली कामगिरी:
सदरची धडक कामगिरी पुणे शहर पोलीस दलातील उच्चपदस्थ अधिकाऱ्यांच्या मार्गदर्शनाखाली पार पडली:
श्री. राजेश बनसोडे (मा. अपर पोलीस आयुक्त, पश्चिम प्रादेशिक विभाग, पुणे शहर)
श्री. मिलिंद मोहिते (मा. पोलीस उप-आयुक्त, परिमंडळ-२, अतिरिक्त कार्यभार परिमंडळ-१, पुणे)
श्रीमती अनुजा देशमाने (मा. सहाय्यक पोलीस आयुक्त, फरासखाना विभाग)
तसेच फरासखाना पोलीस स्टेशनचे वरिष्ठ पोलीस निरीक्षक श्री. प्रशांत भस्मे आणि पोलीस निरीक्षक (गुन्हे) श्री. शिवप्रकाश मुळे यांच्या थेट सूचनेनुसार तपास पथकाचे प्रमुख पोलीस उप-निरीक्षक अरविंद शिंदे, पोलीस अंमलदार नितीन तेलंगे, गजानन सोनुने, महेश राठोड, प्रविण पासलकर, विशाल शिंदे, नितीन जाधव, महेश पवार, चेतन होळकर, सुमित खुट्टे, शशीकांत ननावरे, प्रशांत पालांडे व लोंढे यांनी ही उल्लेखनीय कामगिरी बजावली आहे.
या यशस्वी कारवाईबद्दल पुणे पोलीस दलातून फरासखाना तपास पथकाचे कौतुक होत आहे.
(Grievance Redressal – IT Rules 2021)
क्राईम महाराष्ट्र लाईव्ह न्यूज (Crimemaharashtra.live) हे केंद्र सरकारच्या माहिती तंत्रज्ञान नियम, २०२१ (IT Rules 2021) च्या नियम १८ अंतर्गत नोंदणीकृत आणि नियमांचे पालन करणारे अधिकृत डिजिटल न्यूज पोर्टल आहे. आमच्या पोर्टलवर प्रसिद्ध झालेल्या कोणत्याही बातमी, लेख किंवा मजकुराबाबत आपल्याला काही आक्षेप किंवा तक्रार असल्यास, आपण आमच्या मुख्य तक्रार निवारण अधिकाऱ्यांकडे लेखी नोंदणी करू शकता.
कायदा आणि नियमांनुसार आपल्या तक्रारीची २४ तासांच्या आत दखल घेऊन १५ दिवसांच्या आत त्याचे निवारण केले जाईल.
📌 मुख्य तक्रार निवारण अधिकारी (Level 1):
अधिकारी: आमीर मोहम्मद शेख (Editor & Publisher)
वेबसाईट: https://crimemaharashtra.live
अधिकृत ईमेल: crimemaharashtra.live@gmail.com
Info@crimemaharashtra.live
कार्यालयीन पत्ता: पुणे, महाराष्ट्रIn accordance with Rule 11(2)(a) of the Information Technology (Intermediary Guidelines and Digital Media Ethics Code) Rules, 2021, any person having a grievance regarding the content published on Crimemaharashtra.live may send their complaint to the designated Grievance Redressal Officer.
Grievance Officer: Amir Mohammad Shaikh (Editor & Publisher)
Website: https://crimemaharashtra.live
Official Email: crimemaharashtra.live@gmail.com
Address: Pune, Maharashtra, India.
Note: Please ensure that your complaint includes the specific URL of the news article, the date of publication, and a clear description of the grievance along with supporting documents. All grievances will be acknowledged within 24 hours and resolved within 15 days.,
