पुणे: पुणे शहर पोलिसांच्या अनैतिक मानवी वाहतूक व व्यापार प्रतिबंध कक्षाला (गुन्हे शाखा) दि. २२/०५/२०२६ रोजी एक अत्यंत गोपनीय माहिती मिळाली होती. वाघोली येथील बकोरी फाटा परिसरात असलेल्या ‘रेम्बो क्रॉसेस बिल्डिंग’मधील पहिल्या मजल्यावरील ‘९ सेन्सेस स्पा’ (शॉप नं. १०६) येथे महिलांकडून बेकायदेशीरपणे वेश्याव्यवसाय करून घेतला जात असल्याची ती बातमी होती.
बनावट ग्राहक पाठवून रचला सापळा
अनैतिक मानवी वाहतूक व व्यापार प्रतिबंध कक्षाचे पोलीस निरीक्षक छगन कापसे यांच्या मार्गदर्शनाखाली पोलिसांनी त्वरित मिळालेल्या बातमीची पडताळणी केली. पडताळणी दरम्यान पोलिसांना खात्री पटावी म्हणून त्यांनी ‘९ सेन्सेस स्पा’ येथे एक बनावट ग्राहक (डिकॉय कस्टमर) पाठवला. बातमीची शहानिशा होताच पोलिसांनी तिथे अचानक छापा टाकला. या छाप्यात स्पा मसाज सेंटरमध्ये आणलेल्या ५ पीडित महिलांची सुटका करण्यात पोलिसांना यश आले.
आरोपीवर गुन्हा दाखल
या प्रकरणी पोलिसांनी आरोपी महावीर सुदाम ससाने (वय २९ वर्षे, रा. ए/ओ साबळे, साईनाथनगर, पेरणे फाटा, ता. हवेली, जि. पुणे) याला ताब्यात घेऊन अटक केली आहे. तसेच त्याच्यासह इतर एका आरोपीविरुद्ध दि. २२/०५/२०२६ रोजी वाघोली पोलीस स्टेशन, पुणे शहर येथे गुन्हा नोंद करण्यात आला आहे. आरोपींवर भारतीय न्याय संहिता (BNS) कलम १४३, (१) (३), ३ (५) आणि अनैतिक मानवी वाहतूक प्रतिबंध कायदा १९५६ चे कलम ३, ४, ५ अन्वये गुन्हा (गु.र. नं ३४१/२०२६) दाखल करण्यात आला आहे.
या वरिष्ठ अधिकाऱ्यांच्या मार्गदर्शनाखाली झाली कारवाई
सदर यशस्वी कामगिरी पुणे शहराचे माननीय पोलीस आयुक्त श्री. अमितेश कुमार, माननीय सह-पोलीस आयुक्त श्री. संजय दराडे, आणि माननीय अपर पोलीस आयुक्त (गुन्हे) श्रीमती तेजस्विनी सातपुते यांच्या मार्गदर्शनाखाली पार पडली.
तसेच माननीय पोलीस उप-आयुक्त (गुन्हे) श्री. गौहर हसन आणि माननीय सहाय्यक पोलीस आयुक्त (गुन्हे-४) श्री. विजय कुंभार यांच्या प्रत्यक्ष देखरेखीखाली ही कारवाई करण्यात आली.
कारवाईत सहभागी पोलीस पथक
या धडक मोहिमेत अनैतिक मानवी वाहतूक प्रतिबंध कक्षाचे पोलीस निरीक्षक छगन कापसे यांच्यासह पोलीस अंमलदार भिवरकर, आंधळे, केदार, जाधव, रसाळ, कोंडे आणि महिला पोलीस अंमलदार कंक व खेडेकर (गुन्हे शाखा, पुणे शहर) यांनी अत्यंत महत्त्वाची भूमिका बजावली.
नियम व अटी / Disclaimer:
वरील माहिती विविध ओपन सोर्स माध्यमांतून, सोशल मीडियातील चर्चांमधून तसेच उपलब्ध असलेल्या सार्वजनिक वाचन-सामग्रीवर आधारित आहे. “क्राईम महाराष्ट्र लाईव्ह न्युज” (Crime Maharashtra Live News) व त्याचे संपादक, प्रतिनिधी किंवा संबद्ध कर्मचारी या माहितीच्या संपूर्ण सत्यतेचा दावा करत नाहीत.ही माहिती केवळ जनहितार्थ, समाजजागृती व चर्चेसाठी प्रसिद्ध करण्यात आलेली आहे. कृपया वाचक/दर्शकांनी संबंधित अधिकृत यंत्रणांकडून खातरजमा करूनच कोणताही निर्णय घ्यावा. या माहितीमध्ये काही बाबी चुकीच्या, अपूर्ण किंवा कालांतराने बदललेल्या असू शकतात. त्यामुळे कोणतीही कायदेशीर अथवा प्रशासकीय कृती करण्यापूर्वी अधिकृत स्रोताची खात्री करणे अत्यावश्यक आहे.. तथापि, या बातम्यांमुळे उद्भवणाऱ्या कोणत्याही गैरसमज किंवा नुकसानीस Crime Maharashtra Live News जबाबदार राहणार नाही.> टीप: जर कोणाला आमच्या बातमीबाबत आक्षेप असल्यास, कृपया आम्हाला [crimemaharashtra.live@gmail.com] वर संपर्क करा.मोबाईल नंबर 7744808833
